No er det billegare å ta ferja mellom Jondal og Tørvikbygd.

Billegare ferje

Frå og med 16. august vart det 28 prosent billegare å ta ferja mellom Tørvikbygd og Jondal.

Ragnhild Økland Børven
Publisert Sist oppdatert

Den ordinære prisen for å få ein personbil over fjorden er 72 kroner etter endringa. I 2021 var prisen 145 kroner. Onsdag morgon feira eit knippe Sp-representantar billegare ferje med ferjebesøk og kaffi.

– Det var gode tilbakemeldingar frå passasjerane, både på reduserte prisar og ordninga med to ferjer, skriv 2.-kandidat i Kvam, Johanne Neteland, til HF.

Ifylgje henne ynskte fleire to ferjer heile året.

Det vart truleg ikkje omsett for mange kaffikoppar på ferjesambandet onsdag morgon. Kaffien tok desse seg av: Sp sin ordførarkandidat i Ullensvang kommune, Lajla-Margrethe Lindskog-Lund: fylkeskandidat Sigrid Brattabø Handegard, 2.-kandidat i Kvam herad; Johanne Neteland, og ordførarkandidat i Kvam, Gjermund Stuve.

Sigrid Brattabø Handegard meiner gratis ferje til mindre lokalsamfunn og øyer, og den halverte ferjetaksten for alle sambanda, er mellom dei største politiske gjennomslaga for Sp på mange tiår. Også for folk og næringsliv langs kysten.

– Endeleg har me fått aksept for at ferja er ein del av vegen. Neste mål må vera gratis for alle, skriv Sp i ei pressemelding.

Politikarane var også oppom kaptein Bjørn Kåre Øye på veg over fjorden. Frå venstre: Lajla-Margrethe Lindskog-Lund, Johanne Neteland, Gjermund Stuve og Bjørn Kåre Øye.
samferdsel distriktspolitikk politiske parti politikk nyhende stortinget
Laga med Labrador CMS