Biletserie: Dette hugsar me frå 2020

Me har gått gjennom fotoarkivet frå 2020.

Eirik Dyrøy Lotsberg
Journalist
Publisert

Mange vil kanskje legga 2020 bak seg og ikkje ofra året ein tanke igjen. Sjølv om koronakrisa fekk konsekvensar for både næringsliv, skulegang og sosialt samvær, baud året på lyspunkt òg.

Sjå biletserien for å bli mint på kva som skjedde i fjor – på godt og vondt.

Januar: Den nye hybridferja MF Samlafjord kom i drift. Maskinsjef Ruben Stormark sjekkar olja på den eine diselmaskinen.
Januar: Olav Sletvold jobbar dugnad på sjøaktivitetssenteret i Strandebarm.
Frå vinterfesten til avgangselevane på Kvam ungdomsskule. Kjersti Berg Leiren (t.v.) og Serina Sanden spela sentrale roller.
Januar: Solstråla og dirigent Anne Karin Stormyr øver til konsert med Bjarte Leithaug.
Januar: Mange hadde møtt fram for å sjå på snorklippinga og eta kake då Boots apotek Linnea offisielt opna dørane til lokala i Hardangerbadet.
Januar: Den første av to stormfloder trefte Norheimsund. Vatnet måtte pumpast ut av kjellaren til Thon Hotel Sandven for andre gong på eit halvt døger. Åsmund Songe Brandslet leitar på si side etter makk.
Januar: Familiedans på Lidarende. Line B. Øvsthus dansar med Jan Aril Sivertsen.
Januar: Reinhaldarar i Kvam herad feirar eksamensresultat.
Januar: Vintermånaden var prega av mangel på snø, også ved Sjusete skisenter.
Januar: Tidlegare ordførar Jostein Ljones (Sp) og Synnøve Kvamme, aktivist og fylkessekretær i Naturvernforbundet i Hordaland, var mellom deltakarane i ein debatt om Northconnect-kabelen.
Januar: Hardanger Glassmagasin vart lagt ned. Dagleg leiar Elisabeth Kvammen Melcher pakkar ut av hyllene.
Februar: Karneval på Jondal skule.
Februar: Russerevyen Revy i ein tynn tråd. Kommunesamanslåing var tema i ein av sketsjane.
Februar: Audun Storaas (98) stilte for første gong ut i Kunsthuset Kabuso. Her drøftar han utstillinga med fagleg og dagleg leiar Sissel Lillebostad.
Februar: Lundanes i Øystese i vinterdrakt.
Februar: Ope møte om miljøpåverknaden frå oppdrett i regi av Kvam MDG i Kvam rådhus. Lars Asplin frå Havforskingsinstituttet heldt føredrag.
Februar: Harald Brekke i finalen i miniatyrskyting i Lapua cup i Vangdalsåsen.
Februar: MF «Samlafjord» fekk motorstopp.
Februar: Fjorden fløymde over kaien i Norheimsund i vinterens andre stormflod.
Februar: Tiril Maria Sleire deltok i UKM i Kvam.
Februar: Andreas Skogseth i Visit Hardangerfjord AS og Heidi E. Ørjansen diskuterte på Hardingtinget på Thon Hotel Sandven i Norheimsund.
Februar: Steinras ved Kjepso.
Februar: Oppstart av AUF i Kvam. Frå venstre: Eusebiu Amanalachioai, Oda Linnea Kaldestad og Oda Medhus
Februar: Demonstrantar med plakatar og klare bodskapar møtte kommunestyret då parkeringssaga skulle drøftast.
Mars: Dagleg leiar Solveig Helen Gjøen Mo opna Kafe Hjørnet på Kaien i Norheimsund.
Mars: Øving til Hordakappleik.
Mars: Galleri Skarpeteigen opna med ei utstilling med kunst av Silja Skag. Tor Waage og Anita Rogde studerer kunsten.
Mars: Ferjesambandet Jondal–Tørvikbygd vart stengt og erstatta med skyssbåten MS «Rygerøy», på grunn av arbeid på kaien.
Mars: Lærke Orrestad Fykse fyller på med væske etter Vinterkarusellen i Strandebarm.
Mars: Øystese skule hadde skidag på Sjusete.
Mars: Kvammaverksemder vart påverka av koronaviruset. Hardangerbadet var mellom dei som måtte stengja dørene
Mars: Testing av koronavirus på Toloheimen.
Mars: To kajakkpadlarar glei sakte gjennom vatnet ved Fonneland, med Samlen i bakgrunnen.
April: Linn Haugsland Ur og Lars Ese Ur spela golf på Børve på langfredag.
April: Skulane opna for 1.–4. trinn. Nona Augestad og Varg Måkestad på Tørvikbygd skule heldt god avstand ved inngangen til skulen
April: Elevane på Kvam vidaregåande skule hadde digital undervising. Lærar Heidi Sandven Botnen sat i einsemd i klasserommet i Øystese.
April: Sperreband delte opp leikeplassen på Norheimsund skule for å halda kohortane skilde.
April: Mina Næss fylte 100 år 23. april 2020.
April: Karin Sæleset (t.v.), Asle Skogly og Marit Skogly var klare for å opna Plant eit tre i Øystese att, men ikkje utan smitteverntiltak. I kassen verna pleksiglas både tilsette og kundar mot smitte.
April: Geir Henning Spilde (t.v.) og Atle Barane i brann- og redningstenesta kom raskt til staden etter eit steinras i ein hage i Øystese.
April: Maiken Kyrkjeeide Neteland og Vilde Raunholm Linga i Norheimsund Røde Kors hjelpekorps hjelpte butikksjef Lars Åge Berge ved Rema 1000 i Norheimsund med mellom anna desinfisering av handlevogner. Slik fekk korpset inntekter i ein påske der varekøyringa for det meste fall bort på grunn av koronatiltaka.
April: – Viruset kjem til å bremsa utviklinga av garden, sa Geir Henning Spilde på Spildegarden til HF. Her med Jane Larsen.
Mai: 10.-klassingane fekk koma på skulen igjen 11. mai, etter to månader med heimeskule.
Mai: Norheimsund Musikklag øvde i idrettshallen, med koronaavstand.
Mai: Norheimsund friskule skipa til eiga 17. mai-feiring i skuletida to dagar før nasjonaldagen.
På Kysnesstrand planla Heidi Grønsberg (t.v.), Torill Hammer Skogseth og Tobias Grønsberg-Træet traktorkortesje på 17. mai.
Mai: 15 traktorar deltok i traktorkortesje i Tørvikbygd 17. mai.
Mai: Bunadsfagre jenter stilte seg opp til fotografering midt i rundkøyringa i Øystese på nasjonaldagen.
Mai: Arnar (t.v.) og Alfred deltok på barnegolfkurs med Rickard Willemoës på golfbanen på Børve.
Mai: Biblioteksjef Ragna Helene Soldal gledde seg over å kunna opna biblioteket i Norheimsund att.
Mai: Fyrste trening for A-laget til Norheimsund fotballklubb etter nesten to månaders koronapause.
Mai: Hotellsjef Tanja Borge og driftsdirektør Tina Våtvik Olsen i Fjordtind Hotels AS kunne endeleg opna dørene til Hardangerfjord Hotel igjen, med nytt uteområde klart.
Mai: Knut Markhus (t.v.) gav ut bok om reiselivet i Hardanger
Mai: Mange valde utelivet i pinsehelga i Hardanger.
Mai: Asbjørn Skogasel har laga til retrostove i det gamle skyttarhuset i Strandadalsvegen.
Mai: Rulleskeisebanen i Vikøy hadde eittårsdag. Knut Bernhard Kirkhus Vikøy var mellom dei som var med på markeringa.
Mai: Visingssenteret til Hardanger Akvasenter AS var fiks ferdig, med eit «fjordbord» i sentrum.
Juni: Sven-Helge Pedersen i Genbank Hardangerfjord, Arild Alvsåker i grunneigarlaget og ordførar Torgeir Næss (Ap) sette ut yngel i Steinsdalselva.
Juni: Bjørn Otto Wallevik hadde konsert på den nye altanen ved Kafé Kraftstasjon i Ålvik
Juni: Lilly Lundblad-Sandbakk (9) naut like gjerne jonsokaftan på Storeteigen opp-ned.
Juni: Restauranten i velkomstsenteret på Folgefonna opna. Trine Grennes Grotobed Mathisen serverer pizza med lokale råvarer.
Juni: Ein dugnadsgjeng pussa opp Folkets hus i Ålvik.
Juni: Møtet i Kvam heradsstyre i Norheimsund fann stad i idrettshallen, med god avstand mellom politikarane.
Juni: Jarle Måge i J. Måge Kratt & Beite Rydding AS rydda Myrabakken.
Juni: Folk naut sola på stranda og i fjorden i Norheimsund på ein varm junidag.
Juni: Øystein Thorsheim (t.v.) og Eivind Aarland i Jeessaa AS takserte eigedomane i Kvam for å få nytt grunnlag for eigedomsskatt.
Juni: Smedlærling Lars Ystanes på Hardanger fartøyvernsenter. Senteret hadde lokale og regionale politikarar med på omvising med von om å få utviklingspengar, mellom anna til smia.
Juni: Hans Pulles designa treningsparken som vart reist i Ålvik.
Juni: Kaptein Tor Svåsand trur ikkje mange har like flott kontor som han. Om sommaren køyrer han nemleg turistbåten på Hardangerfjorden.
Juli: Frå opninga av nytt kjølelager og ny pakkesal hjå Hardanger Fjordfrukt SA på Utne.
Juli: Thorbjørn T. Ludvigsen og rekordmange andre sprang opp til Breidablik.
Juli: Slutten på bompengeinnkrevjing i Jondalstunnelen vart markert av Frp. Her ser me ordførar Roald Aga Haug (t.v.) i Ullensvang og varaordførar Frode Nygård i Kvam, sistnemnde i rolla som ordførarvikar.
Juli: Maren Rogdaberg Trå og Eirin Pedersen selde bruka varer på Oma for å tena pengar til å starta nettbutikk
Juli: Ola Steinstø måtte leita lenge etter plommene på Steinstø fruktgard. Årets vêr var dårleg for fruktbøndene.
Juli: Peder Nernæs førebur 70 furustammer med røter til toalettet Nasjonale turistvegar skal bygga i Tyrvefjøra i Ålvik.
Juli: Posten kutta i leveringsfrekvensen. Mildrid Skeie fortalde HF at ho kjenner seg fri i bilen.
Juli: Liv Bente Steiro førebudde bruktbutikken og møtestaden Sentralen som skulle opna i Jondal i august.
Juli: Kommuneoverlege Dag Erlend Skjelbreid (t.v.) og leiar for sals- og skjenkjekontrollen i Kvam herad, Bjørnar Dagstad, oppmoda kvemmingane om å drikka med måte og passa på avstanden på skjenkjestadane.
Juli: Truls Mastrup Thomassen flytta inn på Stronde i juni. Han tinga husvære lenge før bygga var klare, og trega ikkje på valet etter å ha budd der i ein månad.
Juli: Spar Jondal kunne for fyrste gong halda sundagsope om sommaren.
Juli: Sju gutar trassa regnet og vart med på Ung fritid sitt tilbod om terrengsykling.
August: Tine fotballskule gjekk som planlagt i Norheimsund, men med nokre koronatilpassingar.
August: «Fremad II» vart sjøsett etter å ha vorte restaurert på Hardanger fartøyvernsenter.
August: Håvard Ølmheim, Lukas Utskot og Hans Rykkje sprang 60 meter på friidrettsstemne i Strandebarm.
August: Hardangerfjordtreffet på Torsnes.
August: Hjalmar Myklestad bidrog til Livoglyst-prosjektet i Øystese.
August: Mange foreldre ville fotografera dei spente borna på første skuledag i Jondal.
August: Åse Berit Skeie Ulltang stilte ut kunstutstillinga «Nærvær» i Hardanger kulturgalleri.
August: Kvam herad, Grannehjelpa og Hardangerbadet arrangerte «pool party» i badet for born og unge. Abdifatah Salah får slush av Sidsel Haugen, dagleg leiar i Grannehjelpa.
August: Marta Haugen, sauebonde på Svåsand, har bestemt seg for å ta over garden heime. Ho deler bondelivet på Instagram.
August: Opning av gjenbruksbutikken til Jondal frivilligsentral i Sentralen. F.v.: Styreleiar Olav-Magnus Hammer, varaordførar Kjellaug Hoås Samland (Ap) og dagleg leiar Liv Bente Steiro.
August: Bergensarane Bodil Friele og Tone Henschien og kvemmingen Randi Sandven Skeie hadde kunstutstillinga MIX X 3 i den gamle kubbefloren på Nestunet
August: Øystese Eat Move Sleep Cup gjekk over tre helgar. Sola skein over Øystese-jentene.
September: Arve Thorvik har lenge hatt sans for å måla. Då han vart sjuk, fekk han for alvor trong for å setja farge på tilværet. I september stilte han ut i Tunet.
September: Hildegunn Berge (t.v.) og Monica Neteland opna treningssenteret Attrå i Grova.
September: Barnegolf på golfbanen på Børve. Ola Haugsland Ur øver seg i treningsområdet.
September: Bibliotekar Cecilie Elisabeth Vestbøstad førebudde opninga av det nye biblioteket i Jondal.
September: Lokaloppgjer mellom Norheimsund og Øystese G13.
September: Politikarar vart inviterte til lobbymøte og omvising i lokala til Hardangerbadet og Helse i Hardanger, etter at fyrstnemnde fekk økonomiske utfordringar. Her orienterer dagleg leiar Janiche Buanes Heltne (t.h.) i Helse i Hardanger.
September: Sjøaktivitetssenteret i Strandebarm starta aktiviteten med eit kajakkurs.
September: Elevar på Kvam vidaregåande skule vart sende heim etter at ein elev fekk påvist korona. Kjell Andreas Nernes og Eirik Gravdal venta i gangen.
September: Landsforeningen for ryggmargsskadde (LARS) arrangerte tur til Blekeld i Fitjadalen. Arvid Gundersen (5) fekk seg ein båttur på Fitjadalsvatnet saman med pappa Svein Gundersen og mamma Anna Hansson.
September: Næringshagen i Hardanger inviterte inn i dei nyoppussa lokala i Øystese. Ingrid Riddervold Lorange, administrerande direktør i Selskapet for industrivekst (SIVA), klipte snora.
September: Politioverbetjent Ann-May Garen vitja Kvam ungdomsskule for å snakka om alkohol, narkotika, sosiale medium, råkøyring og anna.
September: Arne Hjartnes, Terje Egil Torvik, Morten Grendal, Kjell Ove Opheim og Svein Johannes Stuve streika for løna og arbeidstida til bussjåførane
September: Vestlandsutstillinga opna i Kabuso.
Oktober: Arne Monsen frå Bergen pistolklubb var ein av deltakarane då Kvam pistolklubb inviterte til stemne i dynamisk sportsskyting.
Oktober: Herand Landhandleri byrja halda ope døgnet rundt. Butikkmedarbeidar Inga Abraham fiksa plakaten som fortel om dei nye tidene i butikken.
Oktober: Utval for samfunn, plan og næring i Ullensvang kommune var på synfaring i samband med planane til Hardanger Fishfarm AS om smoltanlegg i fjell i Plommevika på Torsnes
Oktober: Hardangerbadet fekk ein tøff start på fleire vis. Dagleg leiar Martin Vik måtte be Kvam herad om naudhjelp. Her er han på veg til eit møte med Kvam herad og Kvammabadet KF.
Oktober: Herand Musikklag inviterte til minikonsert og ullotteri ved Herand Landhandleri.
Oktober: Ni personar var involverte i ei ATV-ulukke på Kjosås.
Oktober: Seriehelg i volleyball i regi av Rossvoll volleyballklubb.
Oktober: Eplet var som vanleg kjernen då den årvisse siderfestivalen med koronanaud og neppe kunne avviklast i Øystese.
Oktober: Bandet Supertull øvde til konsert på Lidarende med musikk av Jethro Tull og Supertramp.
Oktober: Harald Nisamjan (64) vindsurfa på Hardangerfjorden.
Oktober: Amfiet på Torget i Ålvik vart offisielt opna.
Oktober: Torstein Aalvik Vaka (t.h.) sleppte cd på 27-årsdagen, med god hjelp frå Bjørn Otto Wallevik.
Oktober: Ella Måkestad deltok i Tørvikbygdløpet.
Oktober: Eirik Botnen var ein av ungdomane som fantaserte om korleis uteområdet ved Ungomsbasen kan verta – og stilte resultatet ut i Kabuso.
Oktober: Frå Walter Holmes Cup i Ålvik.
November: Øystese skule avduka eit kunstverk laga i venskapsveka, eit måleri laga med hand- og fingeravtrykk frå alle elevane. Avdukinga vart markert med song og Blime-dansen.
November: Henriette Fosse opna blomebutikken Bonderosen same dag som Lokalen vart opna ved torget i Norheimsund.
November: Katten vart omsider sleppt or sekken på debatt- og propagandamøtet om Tørvikbygd: Grenda fekk behalda skulen. Det sette mellom andre Oddbjørn Måge pris på.
November: Elevane på Tørvikbygd skule fekk is og brus for å feira at skulen ikkje vert lagd ned.
November: Born i 2. klasse på Strandebarm skule var på halloweenfest på Mundheim.
November: Ein gjeng frå Norheimsund Musikklag skapa julestemning ved å spela fleire stader i Norheimsund sentrum ein laurdag i koronatida.
November: Kvam klatreklubb fekk ny klatrevegg i Øystesehallen.
November: Styreleiar i Kvammabadet, Bjørn Frode Skaar, orienterte formannskapet i Kvam om den økonomiske situasjonen til Hardangerbadet.
November: Kvammakoret hadde konsert på Kvam ungdomsskule.
November: Romas Ciucka og Marit Buttingsrud kom seg opp i høgda for å pynta tre til jul i Øystese sentrum.
November: Sveinung Kvalvik fortalde om erfaringa si med å verta smitta av koronaviruset, og åtvara kvemmingane om å ta lett på sjukdommen.
November: Bjørn Otto Wallevik og Magnar Hjøllo gav ut cd-plata «Lend ved lend», som er spela inn i Wallcon Lydstudio. Inntektene går til nytt kjøken i Folkets Hus i Ålvik.
Desember: Markering av avslutninga av Bygemødre-kurset. Rut Oppedal Rasmussen i Grannehjelpa viser fram bygdemorskiltet.
Desember: Sander Eide Aase (t.v.) og Eusebiu Amanalachioa heldt fleire innlegg på vegner av Kvam ungdomsråd i møtet i Kvam heradsstyre på Thon Hotel Sandven.
Desember: Auken i kostnaden med ny brannstasjon førte til meir debatt enn 2021-budsjettet då kvammapolitikarane samlast for siste gong i 2020.
Desember: G12-laget til Jondal idrettslag trenar i fleirbrukshallen.
Desember: Torstein L. Aksnes er glad i både lys og jul. Hans 7.000 lys i Sundsvik var eit sterkt bidrag til julestemninga.
Desember: Kommunestyret i Ullensvang vart møtt av demonstrantar då det samlast for siste gong i 2020 i Kinsarvik.
Desember: Kunstnar Yves Guhl har måla kyr på husvegger fleire stader i Kvam.
Desember: Lions Norheimsund pakka gåvekassar i gamleskulen på Norheim før jul.
Desember: Tørvikbygd musikklag spela julemusikk utanfor Coop i Øystese. Nærast står Gunnar Eide.
Desember: Utegudstenesta i Øysteseparken på julaftan vart velsigna med fint vêr.
bildeseriar sport bildeseriar nyheiter bildeseriar kultur nyhende
Laga med Labrador CMS