Bilbrann i Norheimsund
Ingen vart skadd då ein personbil tok til å brenna på Tolo i Norheimsund fredag ettermiddag.
Publisert
Sist oppdatert
Naudetatane fekk melding om brannen frå ein forbipasserande klokka 16.44.
Politioverbetjent Per Gunnar Thrane ved Kvam politistasjon opplyser at eigaren av bilen, som har vore parkert langs vegen Tolohagen sidan før jul, skulle grava bilen fram og starta han.
Annonse
Eigaren lét bilen stå utan tilsyn på tomgang ei stund, før motoren vart stoppa att og bilen vart forlaten. Vel ein time seinare kom meldinga frå den forbipasserande om at ting hadde skjedd.
Då brann- og redningstenesta kom til staden, var det opne logar i bilen, fortel innsatsleiar Atle Barane. Brannmannskapet fekk sløkt brannen raskt. Bilen vart såleis ikkje utbrend.
Brannårsaka er ukjend, opplyser Thrane.
