– Bil køyrde i autovern
Ingen vart skadd då ein bil køyrde i autovernet på fylkesveg 48 natt til fredag.
Publisert
Sist oppdatert
Det opplyste Vest politidistrikt i ei melding på X/Twitter klokka 00.51.
Ulukka skjedde nær Furhovda sør for Mundheim. Fem personar sat i bilen, og alle var medvitne etter ulukka. Det vart ikkje meldt om alvorleg personskade.
Annonse
Operasjonsleiar Eirik Loftesnes seier til Bergens Tidende at bilen hadde køyrt inn i og opp på autovernet, og at hol i botnpanna førte til oljelekkasje.
Bilen vart fjerna frå staden, og politiet oppretta sak. Bilføraren er mellombels fråteken sertifikatet, men er ikkje mistenkt for køyring i rusa tilstand, opplyser politiet.
