Bil i tunnelveggen i Tokagjel
Ein bil har køyrt i fjellveggen i Hansagjeltunnelen i Tokagjel, melder politiet på Twitter like over klokka 14. Politi, ambulanse og brannvesenet rykte ut og fylkesveg 7 vart stengd. Vegen er no opna att.
Det var to personar i bilen. Passasjeren i bilen vart frakta til legevakta i Kvam. Det er uvisst kor store skadar dei har fått, og ein veit enno ikkje kva som var årsaka til ulukka, seier lensmann Terje Sperrevik.
