Betydeleg snøskredfare i helga

Meteorologisk institutt melder om betydeleg snøskredfare i nær 15 regionar i landet denne helga.

Regionane ligg i dei tre fylka i Nord-Noreg og på Vestland. Det dreier seg om 11 område i nord og 4 i vest, frå Vest-Finnmark til Heiane på Stord, viser Varsom-oversikta.

Dei 14 regionane der det er varsla om betydeleg snøskredfare og faregrad 3 frå natt til søndag, er: Vest-Finnmark, Nord-Troms, Lyngen, Tromsø, Sør-Troms, Indre Troms, Ofoten, Salten, Svartisen, Helgeland, Indre Sogn, Voss, Hardanger og Heiane.

I Lofoten og Vesterålen er det varsla om moderat snøskredfare og faregrad 2.

Det er i alt 5 faregrader for snøskred.

(©NPK)