— Betre enn hotell

Han finn knapt ord for å skildra kor godt han har det som pasient på Voss sjukehus, som er lokalsjukehuset til kvemmingane.

— Dei fortener merksemd. Legar, reinhaldspersonell, sjukepleiarar — alle kjem smilande og hyggjelege og hjelper til med alt mogeleg. Eg har snakka med andre pasientar, og dei meiner det same. Dei er sjokkerte over sørvisen her, seier Nilsen, som er busett i Norheimsund i Kvam.

— Same kor sur og grinete eg er, går dei rundt med eit smil heile dagen. Eg fattar ikkje korleis dei får det til. Det er nesten så eg skjemmest, seier Nilsen.

Sjølv har han vore innlagd tre gonger den siste månaden, utan at det plagar han. Tvert om.

— Dette er betre enn å bu på hotell, seier Nilsen.