– Betre eigna
Sommarferja «Gulen» har vorte til sommarferja «Lifjord».
Planen er at MF «Lifjord» skal gå som ferje nummer to på sambandet Jondal–Tørvikbygd inntil vidare. Det opplyser regionleiar Tor Kristoffersen i Fjord1.
– «Lifjord» er ei betre eigna ferje, seier Kristoffersen.
Annonse
Ifølgje Fjord1 si heimeside har «Lifjord» ein kapasitet på 110 personbileiningar. Det er 20 einingar fleire enn «Gulen». «Lifjord» vart bygd ved Fiskarstrand Verft i år 2010, og er såleis 21 år yngre enn «Gulen».
«Gulen» vert no Fjord1 si reserveferje i Hordaland, mellom anna for Jondal–Tørvikbygd, opplyser Kristoffersen. Reserveferja har base på Sunde i Kvinnherad.
