Kvamnet AS har fått løyve frå Ullensvang kommune til å setja opp ei nodebu i det nordaustlege hjørnet av tomta til den tidlegare skulen på Kysnesstrand. Bua vert sett opp i samband med at breibandet i området skal utbetrast.
Kvamnet skal leiga arealet, som måler seks rutemeter og ligg i Øykhagen. Etter at løyvet er gjeve, skal det utarbeidast ein avtale mellom kommunen og Kvamnet som syner den endelege plasseringa av bygget Kvamnet skal disponera.
Annonse
Søknaden vert regulert av kommuneplanen i gamle Jondal kommune. Planføremålet der nodebua skal setjast opp, er offentlege bygningar. Tiltaket er såleis i samsvar med planføremålet, ifylgje kommunen.
