Bergingsaksjon i Kvam
Ein mann i 40-åra sykla seg vill på Kvamskogen onsdag kveld.
Publisert
Sist oppdatert
Mannen skulle sykla strekninga Bukkahjellane–Dragatjørna–Rundehaugen–Gråursskaret, i området mellom Kvamskogen og Holmavatnet. Han kom vekk frå sykkelstien. Syklisten var våt, kald og ikkje kledd for overnatting, og varsla politiet.
Det melde Vest politidistrikt natt til torsdag.
Annonse
– Syklisten hadde tilbakelagt om lag ei mil. Meldinga kom inn rundt 19.30, opplyser politistasjonssjef Terje Sperrevik ved Kvam politistasjon.
Mannen vart lokalisert nær Gråursskaret, og personell frå Raudekrossen vart send til området. Klokka 22.45 var han funnen og bytt på. Klokka 00.15 var han og Raudekrossen enno på veg ned att. Klokka 00.45 var syklisten trygt tilbake i hytta, utan trong for helsehjelp, melde politiet.
