Hytteeigar Agnethe Erstad Larsen er bekymra for kva fylgjer driving av tunnel og disponering av massar vil få for hytta hennar på Kvamskogen.
Larsen har vendt seg til Vestland fylkeskommune etter at ho har fått varsel om oppstart av reguleringsplanen for tunnelen frå Steinsdalen til Eikedalen.
Hytta hennar ligg om lag hundre meter sør for fylkesveg 49 ved Kleiva. Larsen skriv at det er ei generell uro for at heile hyttefeltet ho er ein del av, og myra som er ein del av friområdet framfor hyttefeltet, er innlema i varslingssona for massedisponering og anleggsområde. Ho ber om at grensa for området vert vurdert på nytt og trekt noko tilbake, så det stoppar før hyttefeltet.
Larsen ber om at tilstanden til hytta hennar vert vurdert før arbeidet med tunnelen byrjar. Ho ottast ristingar i samband med tunneldrivinga.
