Ein gapahuk med bålpanne, ein overgrodd sandkasse, to benker og ei vippe er tilbodet på leikeplassen i Sætveithagen, etter at kommunen fjerna fleire leikeapparat.

Ber om pengar til leikeapparat

Det bør koma leikeapparat, sandkasse, plass til oppbevaring og bord til gapahuken på den kommunale leikeplassen i Sætveithagen.

Håkon Norheim
Journalist
Publisert Sist oppdatert

Det skriv tre representantar for Jondal Bygdalag til Ullensvang kommune. Dei reknar med at prosjektet vil kosta opp mot 260.000 kroner.

For to år sidan vart det bygt ein gapahuk ved hjelp av pengar frå Sparebankstiftinga. Denne har vore til glede for store og små, skriv dei tre.

No ynskjer bygdelaget å få på plass nye leikeapparat, etter at dei gamle apparata og eit leikehus vart fjerna av omsyn til tryggleik. Laget har søkt Sparebankstiftinga om pengar, men fått avslag.

Velforeininga i Sætveithagen vil bidra med tilrettelegging og arbeidskraft til montering, vert det opplyst.

nyhende jondal fritid friluftsliv jondal bygdalag
Laga med Labrador CMS