Ber om ny vurdering av Torsnes-plan

Det er det store spørsmålet kommunen nyleg har stilt.

Endringar i planen, eit nytt notat og ein ny rapport ligg til grunn for førespurnaden til statens mann om å vurdera motsegna til reguleringsplanen til Hardanger Fishfarm AS. Notatet handlar om sukkertaresokn og rapporten om botntilhøva. I tillegg er anlegget visualisert med nye modellar, bilete og kart for å gjera Statsforvaltaren nøgd. Dei kan du sjå her:

Om han ikkje vil trekkja motsegna, vonar kommunen at han i det minste vil vurdera om endringane kan vera grunnlag for ny mekling. Partane har mekla før, utan hell.

Truga sukkertare i området ligg utanfor sjølve planområdet og vil fyrst og fremst risikera såkalla tilslamming i samband med dumping av steinmassar i sjøen. I notatet tilrår Rådgivende Biologer AS å skåna han med siltgardin både ved fyllinga og rundt sjølve tareskogen, i tillegg til å overvaka førekomsten både undervegs og etterpå.