Ber om kommunal hjelp
Finst det ei økonomisk stønadsordning for velforeiningar? spør Hegrehaugen Velforening i eit brev til Kvam herad.
Publisert
Velforeininga slit med økonomien. Årsaka er at vegen til dei 12 bustadene i Hegrehaugen ikkje er godkjend av heradet, og difor vert definert som anleggsveg. Bebuarane må betala for brøyting, strøing og vedlikehald. Sidan vegen ikkje er godkjend, vert det ikkje bygd nye bustader som kan dela på utgiftene.
Utgiftene tærer på økonomien, og velforeininga har måtta auka årskontingenten dei siste åra.
Annonse
Den stønaden foreininga har fått, er øyremerkt til oppgradering av leikeplass og fellesområde. Difor ønskjer velforeininga kommunal stønad til å dekkja kostnader med brøyting og vedlikehald.
Ein månad etter at Kvam herad fekk spørsmåla, ligg det enno ikkje noka tilbakemelding i den kommunale postlista.
