Politistasjonssjef Terje Sperrevik ber folk følgja ekstra godt med for ikkje å kollidera med hjort. Her ser me hjortar på bakkane ved Berge i Tørvikbygd.

Ber bilistar om å vera på vakt

Etter mange hjortepåkøyrsler i det siste oppmodar politistasjonssjef Terje Sperrevik folk om å følgja ekstra godt med.

Journalist
Publisert Sist oppdatert

Laurdag vart ein hjort påkøyrd på Hammaren på Kysnesstrand. Hjorten sprang til skogs, og viltnemnda vart kontakta. Det opplyser Øystein Torsnes, politistasjonssjef ved Hardanger politistasjon. Bileigaren måtte ordna med bilberging.

Terje Sperrevik, politistasjonssjef ved Kvam politistasjon, ber bilførarar om å vera merksame. Politiet får mange meldingar om at det er observert mykje hjort. Natt til måndag vart det registrert tre hjortepåkøyrsler i distriktet Sperrevik har ansvar for. Ingen av dei hende i Kvam, men Sperrevik vil likevel åtvara kvemmingane.

– Det er mykje hjort både på Kvamskogen og lenger sør. Ein må vera obs når ein køyrer på denne tida, spesielt i overgangen til morgontimane, seier Sperrevik.

plantar og dyr natur og miljø kysnesstrand kvamskogen kvam, samnanger og tysnes politistasjonsdistrikt kvam hardanger politistasjon nyhende
Laga med Labrador CMS