Båtlag hjelper til med søk
I helga hjelper Norheimsund Båtlag til med søk etter dei sakna etter Tokagjelet-ulukka. Laurdag kveld kjem politiet med ny informasjon om saka.
I samråd med innsatsleiinga skal båtlaget søkja frå båt i hamnebassenget i Norheimsund. Det opplyser politioverbetjent og vakthavande Ann-May Garen ved Kvam politistasjon til HF.
I tillegg skal lokalt mannskap frå Røde Kors filma med drone i Tokagjelet og driva søk i Movatnet og fjorden.
Artikkelen held fram under annonsen.
— Det er veldig fint at private krefter bryr seg og deltek på denne måten, skriv Garen til HF.
Framleis er Ruth Wathne (68), Nils Johan Bårdsen (72) og Kjell Arne Pedersen (64) sakna etter at båten dei sat i, fall ned i fossen øvst i Tokagjelet.
Politiet har i ettermiddag kalla inn til ny pressekonferanse klokka 18.30 laurdag.
