Båt til 300 millionar dollar
Det skal noko til for ikkje å leggja merke til måndagens besøk i Øystese-bukta.
Publisert
Sist oppdatert
Yachten heiter «Infinity» og ber flagg frå Cayman Island. Ifylgje sida SuperYachtFan er båten eigd av amerikanaren Eric Smidt. Milliardæren skal ifylgje Forbes vera god for over 100 milliardar kroner. Båten skal ha kosta om lag 300 millionar dollar å byggja, og stod klar i 2022.
Yachten kom frå Rosendal måndag morgon. Før det har han vore innom mellom anna Åkrafjorden og Tysnes. Båten vart også observert i Bergen tidlegare i august.
Annonse
«Infinity» er 117 meter lang, har to landingsplassar for helikopter og har plass til 16 gjester fordelte på 8 luksuskabinar. Mannskapet tel 32 personar.
