Barn døydde etter drukningsulykke i Kvinnherad
Eit 13 år gammalt barn døydde etter ei drukningsulykke i Kvinnherad måndag. Barnet låg under vatn i ei elv i Bondhusdalen og vart frakta til sjukehus.
– Politiet har fått melding frå Haukeland sjukehus om at barnet er erklært død på sjukehuset, opplyser operasjonsleiar Tore-Andre Brakstad i Vest politidistrikt i politiloggen.
Ifølgje politiet er barnet 13 år. Familien er utanlandske turistar.
Artikkelen held fram under annonsen.
Hovudredningssentralen fekk melding om hendinga klokka 11.36, og 13-åringen vart henta opp av elva klokka 13.53.
Politisjef Sigurd Børve opplyste tidlegare måndag til Bergens Tidende at familien til barnet var til stades, og at både dei og andre melde frå om hendinga.
