Aukar takstane i Kvammapakken
29 kroner vil det snart kosta å passera med ein personbil utan rabattordning.
Publisert
Køyrer du ein større bil i takstgruppe 2, vert prisen 38 kroner når takstane vert justerte for å halda tritt med konsumprisindeksen. Det går fram av vedtaket i Statens vegvegvesen.
Dei gamle takstane, sidan 1. juni i fjor, var høvesvis 28 og 36 kroner.
Annonse
Ein prisauke på 4,5 prosent frå februar 2023 til februar 2024 ligg til grunn for den siste justeringa. Målet er ein gjennomsnittstakst på 22,57 2024-kroner. Snittet etter førre takstjustering 1. juni i fjor har vore på 18,54 kroner.
