Åtvarar mot uvørden oppførsel på sjøen

Brot av fartsgrensa, støy, skadar på båtar og dødsulukker er noko av det som skjer kvart år. Ei undersøking utført av Ipsos på vegner av skadeforsikringsselskapet Gjensidige syner at høg fart og promille i båt førte til at 75 personar drukna i fjor.

Kommunikasjonssjef i Gjensidige, Arne Voll, understrekar i ei pressemelding om saka at båtførarane i slike tilfelle seg både for seg sjølve og andre i fare.

– Høg fart, uvitig køyring og liten kunnskap om å føra båt er noko av det som irriterer mest, seier Voll.

Han fortel òg at fleire vasskuterar har ført til støyproblem. Han trur at mange båtførarar ikkje er klar over at dei kan plaga andre.

– Senk farten og vis omsyn til omgjevnadene! Då vert det sikrare og ikkje minst kjekkare for alle som oppheld seg på og ved sjøen, seier Voll.

Tidlegare i juli hadde Gjensidige motteke meldingar om rundt 200 skadar på fritidsbåtar i Vestland i år. Skadane er eit resultat av ytre påverknad, og Gjensidige har betalt ut om lag 10 millionar kroner i erstatning. Undersøkinga til Ipsos syner også at 45 prosent av alle som eig og nyttar båt i gamle Hordaland, har opplevd sjenanse på sjøen. I tillegg opplever 5 av 10 båteigarar at andre båtførarar bryt fartsgrensa til sjøs.