Åtvarar mot å ta med born på fjelltoppar
Det blir åtvara mot å ta med seg born på nokre av dei mest populære fjelltoppane i Noreg.
Det er opp til kvar forelder å bestemme om dei kan ha med born på fjellturar, men Moskenes kommune går ut og åtvarar om å ta med borna på Reinebringen, skriv NRK Nordland.
På UT.no står det om Romsdalseggen og Trolltunga at ein burde ha fjellerfaring før borna får bli med.
Annonse
Ved Preikestolen i Rogaland er det anbefalt at born under 5 år ikkje burde gå turen.
– Vi kan ikkje med lova i hand nekte foreldre å ta barna sine med opp på toppen. Men vi kjem med råd og gir beskjed til foreldre viss det ikkje er forsvarleg å ta barna med opp, seier Jorunn Stokka, driftsleiar i Stiftelsen Prekestolen, til NRK.
(©NPK)
