Kvam Vilttelefon hadde 6 aktive hundeekvipasjar som dekte behovet for ettersøk i 2021. Det går fram av årsmeldinga til vilttelefonen.
Under jakta hadde tenesta avtale for 579 dyr. Det vart rapportert om 8 skadeskytingar. 4 av desse dyra hadde dødelege treff og vart funne etter relativt kort sporing. 2 dyr vart avliva under ettersøk og 2 var uskadde.
Annonse
Tenesta har heilårsavtale med Kvam herad om ettersøk ved trafikkskadd vilt og fallvilt. I 2021 var det totalt 8 oppdrag; 6 relaterte til trafikk og 2 til fallvilt. 5 dyr vart funne døde, 1 dyr vart avliva, og 2 fekk ukjend lagnad.
Vilttelefonen hadde eit budsjett på nær 150.000 kroner i 2021. Viltfondet i Kvam gav i 2021 eit tilskot på 34.000 kroner til tenesta.
