Anton Langeland blir ny generalsekretær i Norsk Bonde- og Småbrukarlag

Anton Langeland blir ny generalsekretær i Norsk Bonde- og Småbrukarlag (NBS). Han byrjar i stillinga 1. januar.

Leiaren i Norsk Bonde- og Småbrukarlag, Kjersti Hoff, seier dei er glade for at Langeland har takka ja til stillinga.

– Han brenn for norsk jordbruk, han har gode skotsmål som leiar og har erfaring frå forhandlingar og politisk arbeid. Som bonde har han også beina godt planta i jordbruket, seier Hoff.

Langeland og kona driv gard i Hardanger med ammeku, sau og mjølk.

– Eg har høge forventningar til både meg sjølv og sekretariatet, og er sikker på at med dei rette grepa, så vil NBS bli ein større og sterkare organisasjon i tida framover, seier Langeland.

(©NPK)