Alle tilfluktsrom i Kvam er private

Det er i dag ingen offentlege tilfluktsrom eller planar om slike i Kvam. Dei private tilfluktsromma er meint for brukarar av eigedomen der dei ligg, og eigaren har ansvaret for vedlikehaldet.

Det svarar rådmann Anita Hesthamar på eit straumbrev frå Bernt Thorbjørnsen, som ynskte ei oversikt over kva for tilfluktsrom som finst i Øystese, spesielt i Øystese aust. Thorbjørnsen skreiv på vegner av sameiga Stronde 1.

Rådmannen opplyser at det finst generell informasjon om tilfluktsrom på ei nettside på kvam.no. Sivilforsvaret orienterte heradsstyret tilfluktsrom i fjor. Då kom det fram at ein har private eller offentlege tilfluktsrom til 46 prosent av innbyggjarane i Noreg. Berre 600 av dei 20.000 tilfluktsromma er offentlege.