– Aldri vore høgare, heilt som venta
Aldri har smittenivået i Kvam vore høgare i den inneverande pandemien enn det er i desse dagar. Mellom 26. og 28. januar vart det meldt om 37 nye covid-19-tilfelle etter såkalla PCR-testing, pluss 12 tilfelle påviste med snøggtest. Det opplyser Kvam herad.
Før helga var smittenivået på over 1 per 100. Det er heilt som venta sidan omikronvarianten er så ofseleg smittsam og smitteverntiltaka har vorte så ofseleg liberale, skal ein tru heradet si oppsummering av stoda.
