930 nye koronasmitta siste døgn – ny døgnrekord

Det siste døgnet er det registrert 930 koronasmitta i Noreg. Det er 399 fleire enn dagen før og det høgaste talet smitta som er registrert på eitt døgn.

I alt var det ved midnatt natt til onsdag registrert 52.180 koronasmitta personar her i landet, viser førebelse tal frå det nasjonale meldesystemet for smittsame sjukdommar (MSIS).

Dei siste sju dagane er det registrert til saman 3.902 nye smittetilfelle i Noreg. 2,8 millionar testar var fram til tysdag utført.

133 koronapasientar var tysdag innlagde på sjukehus. Det var fire fleire enn dagen før.

Til saman er 452 koronasmitta personar døde i Noreg sidan mars, viser førebelse tal. Om pasientane har døydd av eller med covid-19, er ikkje alltid mogleg å slå fast.

64,4 prosent av alle døde har fylt 80 år. I aldersgruppa under 50 år er det meldt om ni dødsfall i Noreg.

(©NPK)