48 nye koronasmitta i Bergen

Det siste døgnet har 48 personar fått påvist koronasmitte i Bergen. 14 av dei har ukjend smitteveg.

Smitteutbrotet i Bergen kommune har ført til at 48 personar testa positivt for koronaviruset tysdag.

Av dei er 27 nærkontaktar, 7 importsmitte, medan 14 har ukjend smitteveg, ifølgje Bergen kommune.

Smitten i Bergen er størst blant unge vaksne, og av dei nye smittetilfella er 21 i 20-åra og 11 i 30-åra.

– Det er framleis ein trend med høge smittetal der unge vaksne utgjer hovuddelen av dei smitta, seier fungerande smittevernoverlege Kjell Haug.

Ein person har òg vorte smitta på Fantoft omsorgssenter. Kommunen følgjer situasjonen nøye.

(©NPK)