3,4 milliardar på veg i Vestland
Vestland fylkeskommune skal bruka 3,5 milliardar kroner på veg i 2025. Det er nær ein milliard kroner meir enn i 2024, og målet er å investera over tre milliardar kvart år dei komande fire åra, melder fylkeskommunen i ei pressemelding.
– Totalt har Vestland fylkeskommune om lag 200 store og små vegprosjekt i 2025. Nokre er starta opp, medan andre kan bli starta opp i løpet av året, seier Dina Lefdal, direktør for infrastruktur og veg i Vestland fylkeskommune.
Lefdal seier dei i år har kring 70,5 millionar kroner sett av til planarbeid.
Annonse
Mykje av aktiviteten vil vere knytt til dei seks bompengepakkane i Vestland: Byvekstavtalen/Miljøløftet, Bømlopakken, Kvinnheradspakken, Nordhordlandspakken, Askøypakken og Førdepakken.
(©NPK)
