200.000 kroner til klimastudie

Prosjektet, som har eit budsjett på 574.000 kroner, skal kartleggja moglegheiter for å bruka elektriske køyretøy og å effektivisera køyrerutene. Ifylgje søknaden er målet å redusera transportrelaterte utslepp og bidra til grøn omstilling i kommunen.

200.000 kroner er løyvde frå den såkalla Klimasats-ordninga, som vert forvalta av Miljødirektoratet. Ordninga fordeler i 2024 totalt 270 millionar kroner til 227 prosjekt over heile landet. Pengar til Klimasats vert løyvde over statsbudsjettet.

I søknaden står det at Ullensvang kommune er prega av bratt terreng, utfordrande vegnett, stort areal og spreidde ladepunkt. Kombinert med færre tilgjengelige modellar og høgare investeringskostnader med varebilar og tungtransport har dette bremsa elektrifiseringa av den kommunale bilparken. Med kommunesamanslåinga vart det òg endringar i køyreruter og arbeidsområde for til dømes renovasjonstenesta.

– No ynskjer me å vurdera vårt lokale utsleppsreduksjonspotensiale for å avdekkja område med potensial for forbetring, står det i søknaden.