17 bøtelagde i fartskontrollar
Ein bilførar vart fotgjengar etter ein laserkontroll på Belsnes sundag.
Det opplyser Øystein Torsnes, politistasjonssjef ved Hardanger politistasjon.
Utrykkingspolitiet hadde fyrst kontroll i 50-sona på fylkesveg 49 på Belsnes torsdag morgon.
– Eg meiner det vart 7 forenkla førelegg på grunn av fart, seier Torsnes.
Den høgste farten målt var 67 kilometer i timen.
Sundag mellom klokka 18 og 20 stilte Utrykkingspolitiet seg opp på den same staden igjen. Då vart det skrive ut 10 forenkla førelegg. Den høgste farten var 70 kilometer i timen.
– Ein var uheldig, for han hadde for mange prikkar frå før. Det som kunne vore eit forenkla førelegg, førte til at førarkortet vart inndrege, seier Torsnes.
Dermed fekk 17 personar forenkla førelegg på same stad førre veke. Politistasjonssjefen synest at talet er for høgt.
– Forklaringa me ofte får servert, er at bilistane skal rekkja ferja. Det er bakgrunnen for mange kontrollar i 50-sona både på Belsnes og ved Sætveithagen, seier Torsnes.
