Vedtok vidare privat drift til 12 millionar kroner

Eit knapt fleirtal røysta på eit ekstraordinært årsmøte for Herand vasslag mot at kommunen skulle overta drifta av vassverket, skriv Hardanger Folkeblad. Herand vasslag held i stad fram med privat drift. To tredelar av dei frammøtte måtte ha røysta for kommunal overtaking dersom det skulle ha vorte løysinga.

– Bakgrunnen for det ekstraordinære årsmøtet var at vassverket er i ein utbyggingsfase for å få godkjent vatn, seier leiar i vasslaget, Terje Grøtt, til oddabladet.

Drikkevatnet i Herand er ikkje godkjent av Mattilsynet, opplyser lokalbladet. For å få vatnet godkjent, skal det byggjast eit vassbehandlingsanlegg der dagens vassinntak er. Tiltaket vil kosta om lag tolv millionar kroner og skal gje betre kontroll på vatnet, skriv avisa.