Skoten på i Skårsvatnet

Kvam, Samnanger og Tysnes lensmannskontor fekk torsdag 3. juni melding om at temperaturmålaren som Kvam herad har hatt i Skårsvatnet, er skoten på og øydelagd. Temperaturmålaren vart teken opp i fjor, men skaden vart ikkje oppdaga før han skulle setjast ut igjen no.

Ifylgje politioverbetjent Andor Helgheim ser det ut til at nokon har brukt Badetassen som blink. Det som var inni, kostar fleire tusen kroner, og målaren kjem ikkje på plass igjen.

— Me har ingen grunn til å tru at det vart skote medan det var folk der, seier Helgheim.

Det er ikkje oppretta sak, men politiet ynskjer at folk tek kontakt dersom dei veit noko om hendinga.