Set fokus på branntryggleik på hytta

Undersøkingar syner at hyttefolk slurvar med branntryggleiken, skriv Norsk brannvernforening i ei pressemelding om Hyttekampanjen 2020. Enkelte stader i landet manglar nær 40 % av hyttene fungerande røykvarslar, og over 50 % er utan godt nok sløkkjeutstyr, opplyser varabrannsjef Mette Vintertur i Kvam brann- og redningsteneste.

— Me vonar at hyttefolk i vårt område tek dette på alvor og sørger for at det ikkje er slik her hos oss, seier ho.

Hovudbodskapen med kampanjen er at alle må sikra at dei har fungerande røykvarslar. I tillegg er det utvikla ei sjekkliste for hytteeigarar. Å aldri gå frå levande lys, ikkje nytta peis eller omn som tørkestativ, ikkje gå frå hytta med elektriske apparat i bruk og å sørgja for rikeleg tilgang til sløkkjeutstyr, er nokre av punkta på lista.

— Me rår alle til å retta seg etter lista. Skriv henne gjerne ut og heng henne på veggen, seier Vintertun.