Kvarv best i Amsterdam
HF skreiv førre veke om fire kvemmingar som skulle reisa til Amsterdam for å springa maraton. No kan me melda om fire vel gjennomførte løp.
Publisert
Eirik Kvarv nådde målet sitt om å springa fortast av kameratane, og enda på ein 310.-plass av totalt 6.604 personar i same klasse. Han sprang på 2.51,44.
— Det var lett dei fyrste 35 kilometerane, men etter det måtte eg jobba litt, seier Kvarv.
Annonse
Han fortel at vêret og temperaturen var bra, og at det langs heile løypa var folk som heia og laga show. Slikt hjelper på og inspirerer, fortel han.
To av karane, som sist veke sa at dette ville verta det siste maratonløpet, har allereie byrja å snakka om neste løp.
Terje Bekkesletten kom på 329.-plass, med tida 2.52,18. Magnus Hisdal sprang på 3.05,49 og hamna på 731.-plass. Frode Måkestad fekk tida 3.25,03, og enda på 1.390. plass.
— Eg er svært nøgd med ei optimal gjennomføring, seier Hisdal.
