Koronaundersøking i Vestland

Slik spør Folkehelseinstituttet (FHI) 15.000 innbyggjarar i Vestland fylke i tekstmeldingar og e-post denne veka.

Det opplyser Vestland fylkeskommune i ei pressemelding.

FHI skipar til ei spørjeundersøking om korleis folk er påverka av covid-19-viruset og smitteverntiltaka.

Eitt av spørsmåla er om jobben inneber nærkontakt med andre menneske, der det kan vera vanskeleg å halda ein meters avstand.

Vestland er eitt av fire fylke som er plukka ut til å vera med i undersøkinga. Dei andre er Oslo, Agder og Nordland. Målet til FHI er å finna ut om folk fylgjer råda om hygiene og avstand. Det vert stilt spørsmål om livskvalitet, arbeidssituasjon og psykisk helse.

– Me vonar å få svar på om det er skilnader mellom ulike grupper i folket og mellom landsdelar. Slik kunnskap vil vera til hjelp når smitteverntiltak skal utformast, seier Camilla Stoltenberg, direktør for FHI.

Vestland er plukka ut til å delta i undersøkinga fordi dette er ein del av Noreg der koronapandemien har råka folket kraftig. Svara ein får her, vil vera viktige også for samfunnsplanlegginga i fylkeskommunen og kommunane framover, opplyser Vestland fylkeskommune.