Fredag kveld vart ein ung sjåfør teken i 75 kilometer i timen i 50-sona på strekkja mellom Øystese og Laupsa. Føraren var framleis i prøvetida, og enda difor med dobbelt sett med prikkar og rundt ni tusen kroner i forenkla førelegg. Sjåføren var berre éin kilometer i timen frå å mista lappen. Vedkomande vedtok førelegget på staden, opplyser politioverbetjent Jarle Sjo Myklebust ved Kvam, Samnanger og Tysnes lensmannsdistrikt.
Mange vert overraska over systemet med prikkar, fortel han.
Annonse
— Dei er ikkje opplyste om at ein i prøvetida får dobbelt opp med prikkar når ein vert teken. Siste tida har det vore ein del høg fart i tettbygde strøk, og me vil oppmoda om at ungdomane tenkjer seg om, seier Myklebust.
