– Dykkar gjorde funn
Siri Byrkjeland opplyser at fridykkaren ho hyrte til å leita etter plast i Vikøy i 2019, gjorde funn.
Rundballar frå Byrkjeland hamna på sjøen under ein flaum i september 2019. HF omtala saka nyleg. Etterpå hyrte eigaren ein fridykkar til å finna ut korleis utfallet vart.
– Etter at han dykka, sa han at forsøplinga var alvorleg. Det var ikkje berre min plast, men han fann også ei gråblå, mjuk leire, seier Byrkjeland.
Annonse
Ho seier at dykkaren sa at det var ein stor jobb som måtte gjerast, og at jobben burde gjerast av profesjonelle folk. Dykkaren har opplyst i ei melding til Byrkjeland at profesjonelle bør vurdera området før sportsdykkarar prøver å rydda.
