Ane Kvaal ny visepolitimeister i Vest politidistrikt
Ane Kvaal frå Førde i Sunnfjord er tilsett som ny visepolitimeister i Vest politidistrikt.
Åremålsutnemninga av Ane Kvaal til visepolitimeister i Vest politidistrikt er for ein periode på seks år med byrjing frå det tidspunkt som Politidirektoratet bestemmer. Det er venta at Kvaal startar i stillinga utpå nyåret 2021, skriv Firdaposten.
Kvaal er utdanna cand.jur. frå Universitetet i Oslo 1994. Ho har også gått Toppleiarkandidat programmet i politiet og FBI National Academy i USA. I 2017 starta ho på ein mastergrad i forsvarsstudiar ved Forsvarets høgskule.
Artikkelen held fram under annonsen.
Etter ferdig utdanning har Kvaal mellom annan jobba i Miljøverndepartementet og hatt stillingar i fleire politidistrikt i landet. Ho har også vore dommarfullmektig i Fjordane tingrett.
Sidan januar 2019 har ho hatt jobben som seksjonssjef for grense- og utlendingsseksjonen i Beredskapsavdelinga i Politidirektoratet.
