Vindkraftselskap ber om å få inn utanlandsk personell
Selskap som byggjer vindkraftanlegg vil ha status som samfunnsviktig verksemd, slik at dei kan få inn utanlandsk personell til å ferdigstille prosjekt.
Bygginga av 47 vindturbinar i Kinn og Bremanger i Vestland er blant prosjekta som har stoppa opp, skriv Bergens Tidende. Anlegget og brakkeriggen er stengde, og turbinar som allereie har kome til Florø, blir ståande på lager.
Bransjeorganisasjonen Norwea har sendt eit brev til regjeringa og bede om at personar som utfører nødvendig arbeid på vindkraftprosjekt, kjem på lista til styresmaktene over samfunnsviktig verksemd, på linje med kraftforsyning og forsyningstryggleik.
Annonse
(©NPK)
