Kvam herad har gjeve BMO Entreprenør AS dispensasjon frå støykrava for støyande verksemd i samband med utbetring av ferjekaien i Tørvikbygd denne veka og neste veke.
Vilkåra er at dei som vert råka av støyen, skal varslast. Dei som vert råka av støy om natta, skal ved behov få tilbod om alternativ overnatting. Det skal utførast støymålingar som dokumenterer nivået på støyen, krev rådmannen.
Ho tek atterhald om at støyen ligg i området som søkjaren har vist til i samband med tilsvarande anlegg andre stader. Rådmannen ber om å få tilsendt støymålingar som vert utførte på staden for ei ny vurdering dersom det førekjem avvik frå estimatet.
I perioden skal arbeidet føregå periodevis på dag- og nattetid, men ikkje samanhengande.
I stor grad bustader vil verta påverka av støyen, som kjem frå trykkluftsaggregat. Aggregatet vil forårsaka ein jamn dur i periodar. Entreprenøren opplyser at han vil nytta støysvakt utstyr eller alternative arbeidsmetodar. Det vert utplassert støymålarar på utsette område. Det er utarbeidd ein plan for varsling og kommunikasjon med naboane.
Det er ikkje rekna ut kor mykje støy det vil vera hjå næraste nabo. Det vert kravd at varsling og tilbod om alternativ buplass skal vera avklara på førehand.
