– Mange betalar ikkje for preparering

Kvamskogen Næringslag har søkt Kvam herad om 50.000 kroner til å dekkja manglande betaling frå om lag 150 hytteeigarar for løypekøyring på skogen.

Mange vart i mars og apil hindra i å bruka hyttene sine på grunn av smittetiltak mot koronapandemien.

Næringslaget finansierer vinterpreparering av 65 kilometer med turløyper. Laget budsjetterte med 600 kroner i tilskot frå 900 hytter, til saman 540.000 kroner. Tapet utgjer om lag 90.000 kroner. Dei fleste tilskotsytarane, med unntak av nokre få næringsdrivande på skogen, har betalt inn summen.

– Det er difor vanskeleg for næringslaget å finna andre som kan vera med og dekkja den manglande finansieringa, skriv Steine.

Han satsar på å få inn 40.000 kroner frå andre tilskotsytarar.