Fekk fire prikkar for seint brennevin
Skjenkjekontrollen oppdaga at gjester på utestaden Tyst hadde tilgang til brennevin for seint på kveld i april.
Brennevin må ifylgje skjenkjeløyvet drikkast opp innan klokka 01.00. Skjenkjekontrollørane avdekte under ei vitjing 15. april at gjester framleis hadde tilgang klokka 01.10.
Ei vakt som vart beden om å kontrollera, fann fem brennevinsglas på borda i lokalet på det tidspunktet. Tre av dei romma alkohol.
Annonse
Varselet om tildeling av prikkar framkalla ikkje kommentarar frå skjenkjestaden før fristen. Rådmannen har difor tildelt Holmatun AS, som driv Tyst, fire prikkar.
Dersom ein skjenkjestad får 12 prikkar innan to år, kan skjenkjeløyvet trekkjast inn i éi veke.
