Får byggja sagbruk i Jondal

Ullensvang kommune har gjeve dispensasjon frå landbruks-, natur- og friluftsføremålet (LNF) i kommuneplanen for oppføring av sagbruk og tørke- og lagerhall på gard nummer 327/12. Eigedomen ligg sør for Folgefonnvegen, mellom Jondal og Byrkjeland.

Det aktuelle arealet har vore nytta til lagerplass for vegføremål dei siste 45 åra. Det ber difor preg av å vera busett, skriv rådmannen.

Søknaden er grunngjeven mellom anna med at eigedomen er frådelt til føremålet sagbruk i 2018, og at tiltaket vil stimulera til bruk av lokalt tømmer i lokale bygg.

Det vil vera næringsmessige føremoner ved å få etablert eit sagbruk midt i eit område med mykje tømmer som nærmar seg hogstmoge, skriv rådmannen.