Ynskjer samarbeid med barndomsheimen til Kinck
Strandebarm Utvikling AS vil ha Fosse-senteret plassert på Tangerås.
Etter det opne møtet i Fossehuset 31. august sende Olav Sletvold, styreleiar i Strandebarm Utvikling, innspel til prosjektgruppa som arbeider med Fosse-senteret. Han slår eit slag for å få til ei samdrift eller eit samarbeid med garden som var ein av barndomsheimane til Hans E. Kinck på Tangerås.
– Garden nærmar seg eit generasjonsskifte, og framtidig eigarskap og drift er ukjend, skriv han i brevet.
Han peikar ut den gamle skulen på Tangerås som rett stad for Fosse-senteret. Sletvold minner om at Tangerås er peikt ut som eit sentrumsområde i Strandebarm i kommuneplanen, og spør om lokaliseringa kan vera positiv for den overordna utviklinga i området.
Vidare skriv han at heradet har høve til å bidra til at bruken av det gamle skuleområdet vert til god nytte for bygda, og samstundes løysa ei sut for eigaren.
Les meir om folkemøtet om Fosse-senteret her:
