Ynskjer ikkje Fosse-senter på Fosse

Han er næraste nabo til Fossehuset. Under eit ope møte i Fossehuset 31. august ytra han synspunkta sine. I ein e-post til forprosjektleiar Knut Markus som er formidla til Kvam herad, gjev Rosseland skriftleg uttrykk for kva han meiner om lokalisering av Fossesenteret.

Rosseland meiner at ei todelt løysing er den beste. Han er oppteken av å ta vare på kulturlandskapet og samspelet mellom gardstuna på Fosse. Rosseland meiner difor at Fosse-senteret må plasserast ein annan stad enn i Fosse-grenda. Gamleskulen på Tangerås er eit godt alternativ, meiner han. Samstundes ynskjer han at det skal leggjast til rette for at Fosse-vener kan vitja barndomsheimen til nobelprisvinnar Jon Fosse.

I e-posten skriv han at vegkrysset ved avkøyrsla til barndomsheim er lite oversiktleg. Det må etablerast ein parkeringsplass og ei ny avkøyrsle, og truleg må ein byggja om heile krysset dersom ein etablerer eit Fosse-senter anten på barndomsheimen eller ein annan stad, skriv han.