Vitsa om mål blant barnål og kål

Både tørvikebygdarar og andre kvemmingar møtte opp før å høyra på vitsing med språk, både i skrift og tale, då Linda Eide og Sjur Hjeltnes inviterte til show. Gjennom artige skråblikk og musikalske innslag tok duoen frå Voss publikum med på ei språkleg reise.

– Det har vore berre positive tilbakemeldingar, seier Anne Grete Berge, som driv gartneriet.

Ho omtalar framsyninga som ein kjempesuksess. Arrangementet var utselt for over ein månad sidan.

– Det er heilt fantastisk at me kan få til noko slikt her, seier Berge.

Kvelden var lagd opp som ein heilaftan med middag, framsyning og dans.