Vestrheim kan vinna spellemann
GiddyGang, bandet til trommis Sigmund Vestrheim frå Øystese, er nominert til Spellemannprisen.
Det vart kjent då nominasjonane vart offentleggjorde torsdag klokka 13.
Gruppa til kvemmingen er saman med Vuyo ein av fire nominerte i sjangeren R&B og soul for plata «Art over profit». Dei andre nominerte er Isah med albumet «INSTRUMENT», HILLARI med albumet «How Is Your Soul?» og Beharie med «Are You There, Boy?».
Styreleiar i Spellemannprisen, Marte Thorsby, opplyste i innleiinga at over 1.300 bidrag var påmelde. Sjølve utdelinga går føre seg 4. april på Clarion Hotel The Hub i hovudstaden. Der skal 28 prisar delast ut.
Spellemannprisen er ikkje heilt ukjend for kvemmingen. Som del av bandet Boy Pablo vann Vestrheim prisen for årets nykomar i 2019. Trommisen var dessutan nominert til å verta årets internasjonale suksess for innsatsen i 2020 med det same bandet. Den gongen stakk Girl in Red av med sigeren.
Les også:
