Vestlandshistorie på nett
Universitetet i Bergen og Vestland fylkeskommune har gått saman om ein digital kunnskapsportal om Vestlandets historie.
Kringom.no er ei vidareføring av dei to tidlegare digitale tenestene Grind og Kulturhistorisk leksikon, som dekte høvesvis gamle Hordaland og Sogn og Fjordane.
Kringom dekker heile Vestland fylke og har meir enn 4.500 artiklar om ulike tema. Språk, næring og arkeologi er nokre eksempel som du enten kan søke på eller leite fram i ei kartløysing.
Annonse
UiB skriv i ei pressemelding at innhaldet er i utvikling og at dei stadig er på jakt etter nye tema og bidragsytarar.
Namnet er gjenvunne frå det gamle kollektivselskapet i Sogn og Fjordane, som i 2020 blei slått saman med Skyss.
(©NPK)
