Vart overraska med stipend
Musikant Solveig Hansen vart overraska med kulturstipend under ein konsert med Norheimsund Musikklag laurdag ettermiddag.
Publisert
Sist oppdatert
Tre songar inn i gratiskonserten dukka nemleg Kjetil Widding opp med ein blomebukett og eit stipend han ville dela ut. Widding er dagleg leiar i Sparebankstiftinga Hardanger, som kvart år deler ut kulturstipend til ungdom som vil satsa på og utvikla talentet sitt.
Hansen er ifylgje grunngjevinga svært musikalsk og engasjert, og har vore aktiv sidan ho byrja i korps som sjuåring. I dag spelar ho eufonium i fire korps, og ho har utmerkt seg både som korpsmedlem og solist.
Annonse
I vår fekk 17-åringen ein 4.-plass i sin solistklasse i Hordablæsten.
Kulturstipendet er på 30.000 kroner. Hansen set stor pris på pengegåva. Ho kjem godt med når Hansen skal utviklinga seg vidare, og vert truleg brukt til både speletimar og utstyr.
