Anne Cathrine Eiken er mellom anna avdelingsleiar, songar og dirigent. Ho er ein av 16 som har lyst til å verta kulturskulerektor.

Tre lokale vil verta kulturskulerektor

Seks kvinner og ti menn har meldt seg på tevlinga om å verta ny kulturskulerektor i Kvam.

Håkon Norheim
Journalist
Publisert Sist oppdatert

Av lokale namn finn me prosjektleiar og lyd- og lysteknikar Vidar Sangolt (43), avdelingsleiar ved Norheimsund skule Anne Cathrine Eiken (41) og kulturskulelærar Laila Sagstad Fosso (45), alle busette i Norheimsund.

Dei andre søkjarane er Andrey Sorokin, Kelemen Mátis, Karianne Harstad, Bjørn Andersen, Elin Halldorsdottir, Thor-Arne Pedersen, Tor Erik Nauste Myhre, Kristin Afdal, Thea Haugen, Nils Olaf Solberg, Johan Ola Andersson, Oddvar Nøstdal og Odd Erik Vatlestad.

Søkjarane er spreidde over heile landet, frå Havøysund i nord til Arendal i sør.

Tilsetjingsprosessen er starta. Det vert intervju med aktuelle søkjarar 16. og 17. desember, opplyser HR-sjef i Kvam herad, Kari Sagen. Prosessen kan verta ferdig før jul, men det kan òg verta ein intervjurunde nummer to etter nyttår, opplyser ho.

Den som vert tilsett, overtek stillinga etter Rolf Kristoffer Seldal. Han sluttar ved nyttår.

underhaldning scenekunst musikk kultur og underhaldning kultur dans biletkunst
Laga med Labrador CMS